Policia e Elbasanit ka referuar materialet në Prokurori për nisjen e një procedimi penal ndaj dy zyrtarëve lokalë, të dyshuar për përfshirje në një rast tërheqjeje të paligjshme të ndihmës ekonomike në emër të një shtetasi tjetër.
Nën hetim janë vënë Alken Çerma, 26 vjeç, punonjës i njësisë administrative Gjocaj, i cili akuzohet për veprën penale “Shpërdorimi i detyrës”, si dhe Nazmi Beqiri, 61 vjeç, punonjës i postës, i dyshuar për “Falsifikim dokumentesh”.
Sipas hetimeve paraprake, dyshohet se Çerma dhe Beqiri kanë bashkëpunuar për tërheqjen e ndihmës ekonomike të një shtetasi përmes falsifikimit të nënshkrimit të tij.
Autoritetet njoftojnë se hetimet vijojnë për të zbardhur plotësisht dinamikën dhe përfshirjen e mundshme të personave të tjerë në këtë rast.
