Donald Trump dhe Ursula von der Leyen mund të shfrytëzojnë praninë e përbashkët në Romë, për lamtumirën e fundit ndaj Papa Françeskut për të bërë një përpjekje për të sheshuar mosmarrëveshjet tregtare.
Këtë mundësi e bëri të ditur Paula Pinho, zëdhënëse e presidentes së Komisionit Europian, këtë të enjte në Bruksel, ku ajo tha para gazetarëve se ky ishte një synim i rëndësishëm.
Megjithatë, zëdhënësja tha se për një takim të tillë nuk është diskutuar, por do të përbënte një mundësi shumë të mirë.
Nga Shtëpia e Bardhë, nuk ka patur deri më tani ndonjë reagim për këtë propozim.
Uashingtoni ka vendosur tarifa importi 25% për të gjitha prodhimet për vendet e Bashkimit Europian, që hynë në fuqi më 2 prill.
Megjithatë, shefi i Shtëpisë së Bardhë i pezulloi për 90 ditë, pak ditë më pas, si pasojë e çrregullimeve të mëdha në tregjet ndërkombëtare, për t’i dhënë kështu mundësi negociatave për sheshimin e mosmarrëveshjeve.
Deri më tani nuk ka patur asnjë kontakt zyrtar mes Bruskelit dhe Uashingtonit, ndaj dhe vizitat në Romë të liderëve europianë dhe të Shteteve të Bashkuara shihen me shpresë.
