Dalja e fundit e Papa Françeskut ishte një ditë përpara se të ndërronte jetë. Ai mori pjesë në meshën e Pashkëve ditën e diel, ku parakaloi përpara të pranishmëve të mbledhur në sheshin Shën Pjetri në Vatikan.
Papa përshëndeti fëmijët e pranishëm, ndër ta edhe Herën, një vajzë shqiptare që u bë fëmija i fundit që ai bekoi publikisht.
Hera Çoba është vajza e Nikoll Çobës dhe Franga Prengës, një familje me origjinë nga fshati Jubë i Durrësit, që jeton prej vitesh në Gjermani. Lajmi u bë i ditur nga vetë babai i vajzës, Nikoll Çoba, i cili ndau këtë moment të rrallë.
View this post on Instagram
Papa Françesku ndërroi jetë një ditë më vonë, më datë 21 prill, për shkak të komplikacioneve shëndetësore, pas një beteje të gjatë me problemet me mushkritë.
Varrimi i tij pritet të mbahet ditën e shtunë, ndërkohë që trupi është i vendosur në Bazilikën e Shën Pjetrit në Vatikan, ku do të mbahen dhe homazhet publike në nderim të tij.
