Endri Çekiçi është kthyer përsëri të bëjë protagonistin me fanellën e skuadrës së Adanaspor, të cilës iu bashkua në merkaton e janarit.
Mesfushori shqiptar, ka shënuar sot në suksesin e thellë 4-1 që skuadra e tij regjistroi ndaj Jeni Maltiaspor, për të mbajtur gjallë shpresat e mbijetesës në kategorinë e dytë turke.
Çekiçi, i cili ka lënë pas dëmtimin që e mbajti për rreth një muaj jashtë fushë së lojës, u kthye në formacionin titullar të skuadrës së tij dhe para fundit të pjesës së parë, ishte ai i cili shënoi me një penallti golin që çoi përkohësisht shifrat në 2-0.
Ky ishte goli i dytë i sezonit për Çekiçin, në 8 ndeshej të luajtura, gjatë të cilave ka dhënë edhe një asist.
