Festim Bexhdili, kopshtari i kompleksit Golden ku mendohet se ka ndërruar jetë dhe më pas është zhdukur Jani Prengës në janar të vitit 2021 ka rrëfyer detaje në sallën e gjyqit për ngjarjen.
Kopshtari ka treguar se ka parë 4 persona të zbrisnin nga një makinë Range Rover dhe më pas t’i kërkonin zhvendosjen e një trupi në një automjet tjetër si edhe një kazëm e një lopatë.
“Në këtë seancë Festim Bexhdili ka rrëfyer se teksa ka qenë duke punuar në kompleksin Golden në Shijak teksa bënte punën e kopshtarit ai ka pohuar se kishte parë një mjet Range Rover të futej në garazh nëntokësor nga i cili kanë zbritur 4 persona të armatosur dhe teksa është afruar dhe i ka pyetur se çfarë kërkonin i kanë thënë se duan 4 bidona me ujë. Personat nuk i ka identifikuar se nuk i njihte por referuar dialektit të tyre ishin persona nga veriu. Ai është bindur urdhrave të tyre edhe për zhvendosjen e një trupi të pajetë nga Range Rover drejt një automjeti Fiat Doblo automjet në pronësi të kompleksit”, raportoi gazetari Armand Bajrami.
I pyetur nga prokurorët në sallë Bexhdili tha se ishte ndjerë i frikësuar dhe se ishte bindur urdhrave të tyre. Nuk e ka njohur viktimën dhe nuk e dinte se cili ishte personi i pajetë, por ka rrëfyer se të njëtët persona i kanë kërkuar edhe një kazëm dhe lopatë që ua ka vënë në dispozicion.
Duke iu përgjigjur pyetjeve të prokurorit Behar Dibra, ai ka pasur kontradikta në dëshminë e tij.
Festim Bexhdili është larguar me të njëjtin mjet nga kompleksi. Përpos pamjeve filmike në sallën e gjyqit ai ka thënë se nuk është larguar me atë automjet por me një tjetër. Becçdili pretendoi se kishte gabuar kur kishte thënë që trupi ishte zhvendosur nga Range Rover në Fiat Doblo, por duke përfshirë edhe një mjet të tjerë. Pra nga Range Rover të një Mercedez dhe më pas te Fiat Doblo.
Ai ka përmendur edhe praninë e Altin Hajrit i dyshuar dhe i pandehur për këtë ngjarje, ku sipas tij gjatë kohës që këta persona ndodheshin në garazhin nëntokësor u kishte kërkuar llogari 4 personave që ndodheshin në garazh.
Në GJKKO u zhvillua seanca e radhës për Dritan Rexhepajn dhe disa të tjerërve të akuzuarve për rëmbimin dhe zhdukjen e Jani Prengës të ndodhur në janar 2021. Në këtë proces përveç Dritan Rexhepajt i cili është ekstraduar së fundmi në Shqipëri të tjerët gjykohen në mungesë.
Në seancën e sotme në kafazin e xhamtë bashkë me Rexhepajn ka qenë edhe Festim Beçdili i akuzuar, gjykuar e dënuar në një proces të ndarë të veçuar. Bizhdili kopshtar në kompleksin Golden aty ku ka ndërruar jetë dhe më pas është zhdukur pa gjurmë ka dëshmuar mbi momentet e fundit. Ai është i dënuar më herët me burgim të përjetshëm po rigjykohet në apelin e Posaçëm pas vendimit të gjykatës së lartë./A2
