Ish-futbollisti i Tiranës, Rezart Dabulla ka analizuar situatën në të cilën ndodhet skuadra bardheblu, teksa e sheh klubin më të titulluar në vend shumë të rrezikuar për të dalë nga kategoria.
I ftuar në studion e “Rubrikës Sportive”, 45-vjeçari ndër të tjera deklaroi:
“Tirana vazhdon të notojë në ujëra shumë të këqija, të turbullta, deri në fund nuk e dimë çfarë do ndodhi. Tirana për mua është akoma shumë e rrezikuar, ka ndeshje të vështira përpara, nuk ka aleat. Edhe ky është problem në këtë lloj kampionati që po zhvillojmë.
Kemi parë që në ndeshjet e fundit, disa ekipe i kanë shkelur syrin njëri-tjetrit dhe i kanë lënë ndonjë pikë.
Plus gabimeve të veta, Tirana ka ngërçin tjetër që nuk ka aleatë. Të tjerët kanë bërë ndonjë marëveshje me njëra-tjetrën. Në atë vend ku është është me meritë. Kryesisht ka marrë atë që ka dhënë gjatë gjithë sezonit.
Dobët ka performuar dhe në fund të tabelës është. Do të dëshiroja shumë që mos të dilte. Minimalisht i duhen 4 pikë, unë do të shpresoja të merrnin 6. Përpara derbit me Partizanin, Tirana kishte 5 fitore gjatë gjithë vitit. Tani shpresojmë që në fund të bëjmë 3-4 fitore rresht. Akoma i ka mundësitë në këmbët e veta.” tha ai.
