Luftëtari australian Alexander Volkanovski rikthehet kampion bote në peshën “featherweight” (pesha deri 66kg).
Në eventin UFC-314, zhvilluar në Majemi, ai mundi me vendim unanim të gjyqtarëve rivalin brazilian Diego Lopes, dukr rifituar gjerdanin që e pat humbur në shkurt të vitit të kaluar.
Në fakt, titulli i këtij Divizioni ishte prej kohësh vakant. Një përballje e fortë me 5 raunde, ku australiani arriti të fitojë falë përvojës së tij.
Të tri gjyqtarët i dhanë atij fitoren: 48-47, 49-46, 49-46, ndërkohë që Lopes nuk arriti të bëjë hapin final drejt titullit.
Për australianin kjo është fitorja e 27-të në karrierë (ka edhe 4 humbje), ndërsa për Lopes kjo ishte humbja e gjashtë (ka edhe 26 fitore).
Në këtë event dueluan edhe disa veteranë, si Michael Chandler, që u mund me KO teknik nga Paddy Pimblett në raundin e tretë, sfidë e vlefshme për peshën e lehtë.
Ndërsa Dominik Reyes fitoi me KO që në raundin e parë ndaj Nikita Krylov, sfidë e vlefshme për peshën “light heavyweight” (pesha deri 93kg).
