Florent Hasani ka tundur rrjetën me Boluspor. Ish-lojtari i Tiranës shënoi në minutën e 12-të, pas pasimit që mori në zonën e Sakarjaspor.
Goli që u shënua, zhbllokoi ndeshjen e vlefshme për Ligën e Parë turke. Ky ishte goli i dytë për Hasanin në kampionat, ndërsa ka asistuar dhe një tjetër në sfidën e kaluar.
28-vjeçari u afrua te Boluspor në merkaton e janarit, për të firmosur kontratë të vlefshme deri në verën e vitit 2026. Në shumicën e ndeshjeve deri tani është preferuar titullar.
Hasani mbahet mend për eksperiencën te Tirana në Superiore, ku fitoi “Këpucën e Artë” me 16 golat e sezonit 2022/23.
