Gjatë spektaklit të fundit të “Big Brother VIP”, këngëtarja Egli Tako u surprizua nga një vizitë e papritur e ish-partnerit të saj, aktorit dhe këngëtarit Olsi Bylyku. Pas rrëfimit emocional të Eglit mbi jetën e saj, Olsi hyri në shtëpi për t’i shprehur disa fjalë zemre.
“Në fakt kam ardhur të të them disa fjalë të bukura. Kam dashur të rri larg, por nuk kam mundur sepse njerëzit më kanë dërguar videot,” tha Olsi, duke vlerësuar mirënjohjen që Egli kishte shprehur ndaj tij gjatë qëndrimit në shtëpi. Ai shtoi se marrëdhënia e tyre kishte kaluar përtej tyre si individë dhe se ndarja e tyre ishte një mesazh se ata ruajnë respekt dhe mirënjohje për njëri-tjetrin.
Egli, e emocionuar nga takimi, u shpreh: “Kur u ndava e kam kërkuar këtë takim që po bëjmë sot dhe më duket pak si çudi që sot e kam përballë.” Ajo theksoi se gjithmonë do të ketë mirënjohje për mbështetjen që Olsi i ka dhënë gjatë kohës që kanë qenë bashkë.
Olsi vazhdoi duke thënë: “Jeta vazhdon për gjithësecilin prej nesh, pavarësisht për moshën së vogël që kemi pasur e gjërat e tjera, dhamë mesazhin sot që gëzojmë mirënjohje për njëri-tjetrin.”
Ai e përmbylli bisedën duke i uruar Eglit sukses dhe duke e cilësuar atë si një dhuratë për çdo partner.
