Fitorja në derbi ka rritur shanset e Tiranës për të qëndruar në elitën e futbollit shqiptar. Bardheblutë mbajnë vendin e tetë në renditje dhe dy javët e ardhshme mund të përcaktojnë mbijetesën.
Suksesi 3-0 ndaj Partizanit nuk vlen thjesht për 3 pikët, por gjithashtu kjo fitore u ka dhënë bardhebluve zemër e vetëbesim. Sigurisht që asgjë nuk është e sigurt, pasi diferenca me vendin e fundit është vetëm 2 pikë, ndërkohë që vendin e parafundit e mban Teuta, me po aq pikë sa Tirana, 35.
Kur kanë mbetur edhe tri javë, 3 janë pikët që ndajnë Skënderbeun e vendit të gjashtë nga Laçi i vendit të fundit, ndaj gjithçka mund të ndodhë.Tirana aktualisht gjendet në pozicionin e “play-out” dhe në tri ndeshjet e mbetura, dy i kanë me rivalë direkt në luftën për mbijetesë.
Më 12 prill, skuadra e Shkëmbit luan në trasnfertë kundër Skënderbeut, ndërsa më 19 prill do të presë në kryeqytet Teutën, skuadrën me të cilën tani ka pikë të barabarta.
Ndeshje pa dyshim të vështira e luftarake, por gjëja më e rëndësishme për Tiranën është që e ka vetë në dorë fatin e saj, pa pritur rezultatet e ndeshjeve të tjera.
Nëse bardheblutë marrin atë që duan në këto dy ndeshje radhazi, atëherë mund të shkojnë të shpëtuar në javën e fundit të kampionatit, ku i pret Dinamo.
Në rast dështimesh, vështirë se edhe një shkujdesje e bluve, në prag të ndeshjeve për titull në katërshen finale, mund ta shpëtojë Tiranën, që duhet dhe i ka mundësitë t’i zgjidhë vetë problemet e saj, edhe nën shtysën e entuziazmit pas fitores me tre gola kundër Partizanit.
Ndeshjet e Tiranës:
Renditja:
