Një punonjës i Ujësjellësit të Sarandës ka ndërruar jetë ditën e sotme brenda ambienteve të stacionit të pompave të ujësjellësit në fshatin Bërdënesh.
Viktima është shtetasi Gramoz Hoxha, 54 vjeç, i cili ka humbur jetën në orar të punës. Sipas Policisë, dyshohet se ai ka ndërruar jetë për shkaqe natyrale (dyshohet arrest kardiak).
Policia thotë se grupi hetimor po vijon punën për sqarimin e plotë të rrethanave të rastit.
