Çmenduria serbe nuk ka kufi dhe reagimi i ultranacionalistëve ndaj flamurit të Kosovës në Beograd ka kaluar çdo limit, siç e tregon një video që po qarkullon në rrjetet sociale.
Një natë më parë, presidenti i Federatës së Futbollit të Kosovës, Agim Ademi, pozoi përkrah flamurit të Kosovës që ishte shpalosur për herë të parë në Beograd, para Kongresit të UEFA-s. Pamjet qarkulluan në mediat shqiptar e normalisht edhe në ato serbe, me këta të fundit të cilat reaguan menjëherë, duke kujtuar se Serbia nuk e njeh Kosovën.
Federata Serbe sot bëri të pamenduarën, duke injoruar UEFA-n dhe duke hequr flamujt e Kosovës nga salla. Por kjo nuk ishte çmenduria më e madhe.
Më sa duket atë e kanë bërë tifozët e Crvena Zvezdës, të cilët në natën e mbrëmshme, kanë shkuar në vendin ku gjendej flamuri i Kosovës, e kanë rrëmbyer atë pa i hyrë ferrë në këmbë dhe i kanë vënë flakën para sallës ku do mbahej sot Kongresi.
Navijači pale zastavu lažne države Kosovo pic.twitter.com/iYJPWGmItV
— Pluton (@Pluton45873221) April 3, 2025
Ndaj këtyre ngjarjeve të rënda mungon një reagim i Federatës Shqiptare të Futbollit. Njëkohësisht edhe zv. President i UEFA-s, Armand Duka deri më tani ka heshtur duke mos dënuar veprimet provokuese, pasi Shqipëria dhe Serbia do të organizojnë kampionatin e EURO U-21 së bashku.
Nga ana tjetër, gjithë ky skandal po ndodh në sytë e UEFA, pasi Kosova është një anëtar me të drejta të plota në këtë organizatë.
