E thotë edhe vetë se është disi subjektiv. Faruk Sejdini është dinamovit i vjetër e padyshim që do të pëlqente që blutë e kryeqytetit të merrnin titullin pas kaq kohës.
Në një intervistë për Abc News, ish-trajneri i njohur i futbollit shqiptar gjithsesi sheh një rivalitet në krye të Superligës.
“E ndjek Dinamon në të gjitha ndeshjet, më ‘ha lopata nga Dinamo’. Dy ekipet që janë më afër titullit janë Rrogozhina, Egnatia dhe Dinamo, kam përshtypjen që këto kohët e fundit Dinamo është më mirë”
Sidoqoftë, ai revoltohet shumë që Tirana dhe Dinamo nuk kanë stadium në kryeqytet.
“Ka shansin Dinamo ta marri kampionatin dhe të rikthehet edhe një herë, megjithatë prap i shoh gjërat pak të vakta për Dinamon dhe Tiranën se pa fusha, pa stadium. Unë e kam shtëpinë këtu afër, po të ketë një vit e ca stadiumi ishte me bar, keq keq ashtu si ishte, mund të mos kishe komoditetin e shkallëve nuk di të them këtë por fusha ishte normale, edhe me pak dorë edhe të dy ekipet e kishin zgjidh, por shkojmë si nomadët me valixhe në dorë”
Plot pesë ekipe rrezikojnë rënien nga kategoria.
“Kjo po e bën më të bukur kampionatin, kush do të bjerë nga kategoria. Nga java në javë ka lëvizje se një herë fiton Skënderbeu sic fitoi në Shkodër, por cedon pak Durrësi, Tirana ka dyfish ngarkesë se nuk ka fushë të vetën, e ka më të vështirë, është pa tifozë”.
