Po luhet prej orës 18:00 sfida Elbasani-Tirana, e vlefshme për javën e 32-të të Superligës, por njëkohësisht edhe ndeshja më delikate.
Kjo sepse verdheblutë luftojnë të kapin ‘final-four’, por nga ana tjetër është jetë a vdekje për bardheblutë, të cilët aktualisht ndodhen të fundit në renditje dhe pikët janë çështje mbijetese.
Bardheblutë kanë kaluar në avantazh në minutën e 12-të me anë të Përgjonit.
Pas një harkimi në zonë nga e djathta, Ernest ul topin me Përgjonin i cili ndjek mirë aksionin dhe çon topin në rrjetë.
Pamjet shihen me VAR për pozicionin e Soler gjatë aksionit, por Hamiti mban vendimin e fushës.
