Bledi Shkëmbi për takimin nesër me Elbasanin pritet të bëjë disa modifikime në formacion.
Edhe një herë tjetër do të shihet mundësia që Ndreca të luajë si mesfushor i majtë, ndërsa në fushë kthehet Luçiano Vera. Pjesa tjetër e ekipit nuk është se do të ndryshojë shumë nga sfida e fundit kundër Bylisit.
Rafael do të jetë gati për takimin e së hënës dhe, nëse braziliani kthehet, do të jetë një plus i madh për ekipin bardheblu. Tirana do të ketë një shqetësim plus në sfidën derbi me Partizanin.
Bëhet fjalë për katër lojtarë titullarë. Ata janë Selmani, Rafael, Prengaj dhe Meta. Të katërt janë me nga 3 kartonë të verdhë dhe nëse ndëshkohen edhe në sfidën së hënës do të plotësojnë numrin 4 të ndëshkimeve.
Kjo do të thotë se do të mungojnë në ndeshjen ndaj Partizanit për javën e 33-të. Meta gjithashtu është i dëmtuar, ashtu si edhe Ismajli. Tirana në vitin 2025 është pak më mirë sesa në 2024-ën.
Formacioni i mundshëm i Tiranës:
3-4-3: Selmoni; Kola Dembele, Mici; Vera, Soler, Rafael, Përgjoni; Ernest, Jarmouni, Ndreca
Në 12 takime të luajtura, bardheblutë kanë grumbulluar 14 pikë. Skuadra kryeqytetase është e gjashta në renditjen për këto 12 javë që janë luajtur në 2025-ën.
