“Vladimir Putin do të vdesë shpejt dhe ky është një fakt”. Kështu pati deklaruar të mërkurën presidenti ukrainas Volodimir Zelenski. Komenti i tij u lexua si një referencë ndaj moshës, apo problemeve shëndetësore të liderit të Kremlinit, por nëse merren në konsideratë sulmet e shërbimeve sekrete ukrainase në thellësi të territorit rus, mund të tingëllonte edhe si paralajmërim.
Rastësi ose jo, një limuzinë që besohet të jetë pjesë e flotës së liderit të Kremlinit në Moskë, shpërtheu në Moskë. Imazhet në rrjetet sociale tregojnë automjetin në flakë dhe tymin e zi teksa ngrihet në ajër. Siç raportohet shpërthimi ndodhi pranë selisë së shërbimeve sekrete të Rusisë. Autometi në fjalë është një Aurus Senat i zi me vlerë 330 mijë euro.
Sipas “Daily star” nuk është e qartë se kush po e përdorte limuzinën në momentin e shpërthimit. Por duket se ngjarja ka shkaktuar panik në Kremlin, ku frika e sulmeve ka qene e lartë.
Autoritetet ruse nuk kanë bërë të ditur se kush ndodhej brenda automjetit në momentin e shpërthimit apo shkakun e zjarrit, ndërsa nuk raportohet për të lënduar.
JUST IN: Luxury limousine from Russian President Putin’s official motorcade exploded on the streets of Moscow, just blocks from the FSB headquarters.
It’s unclear if this is an attempted ass*ssination attempt pic.twitter.com/Da4tcUoZEU
— BRICS News (@BRICSinfo) March 29, 2025
