Ndeshja përmbyllëse e javës së 32-të të Kategorisë Superiore është Elbasani-Tirana. Skuadra verdheblu do të presë kryeqytetasit më 31 mars në “Elbasan Arena” në orën 18:00.
Sot, klubi i Elbasanit ka publikuar dhe çmimet e biletave për ndeshjen ndaj bardhebluve. Bileta më e lirë është ajo e Tribunës C me 200 lekë, më pas E, D dhe F me 300 lekë.
Çmimi tek Tribuna A dhe B është 1,000 lekë, ndërsa bileta në zonën VIP kushton 2,000 lekë. Elbasani vjen në këtë takim pas një fitoreje ndaj Laçit, ndërsa Tirana pas një barazimi ndaj Bylisit.
Elbasani kërkon fitoren për t’i ushtruar presion Partizanit për një vend në “Final 4”, ndërsa nga ana tjetër bardheblutë e kanë si një finale në luftën për mbijetesë, pasi 5 javë nga fundi skuadra e Shkëmbit është një nga “favoritet” për të rënë në Kategorinë e Parë.
