Një tjetër vatër zjarri është raportuar mbi Delvinë, duke ngritur shqetësime për përhapjen e flakëve në zonën e fshatit Kakodhiq, Njësia Administrative Delvinë.
Sipas shërbimit të Mbrojtjes nga Zjarri dhe Shpëtimit në Bashkinë Delvinë, zjarri ka përfshirë një sipërfaqe me shkurre dhe fier poshtë qendrës së banuar të fshatit.
Menjëherë pas raportimit të flakëve, një automjet zjarrfikës dhe grupi i shërbimit janë nisur drejt zonës për të lokalizuar dhe izoluar përhapjen e mëtejshme të zjarrit.
Aktualisht, zona e banuar nuk është e rrezikuar, por era e fortë mund të vështirësojë operacionin.
Kjo vatër zjarri vjen vetëm një ditë pasi flakët përfshinë zonën pranë Varrezave të Dëshmorëve të qytetit.
