Klubi i Shkupit ka anuluar stërvitjen e kësaj të mërkure. Pak ditë pas ndarjes nga jeta e futbollistit Andrej Lazarov, i cili ishte një nga viktimat e zjarrit në Koçan, drejtuesit i kërkuan skuadrës të rikthehej në stërvitje.
Megjithatë të prekur dhe në lot, futbollistët e kishin shumë të vështirë për të vazhduar seancën stërvitore.
Në këtë situatë, ata kërkuan shtyrjen dhe kështu ndodhi.
Njoftimi i Shkupit:
“Me një boshllëk të madh dhe dhimbje të pafund pas humbjes të Andrej Lazarovit, sot tentuam ti rikthehemi procesit stërvitor.
Megjithatë, stërvitja e sotme u anulua me kërkesë të lojtarëve!
Stërvitjet dhe vazhdimi i sezonit do të jenë më të vështirat ndonjëherë për ne, por do të luajmë për të, me të dhe në nder të tij.
Andrej do të jetë gjithmonë pjesë e familjes sonë”, shkruhet në njoftimin e klubit.
