Gennaro Gattuso nuk është një tip që përmbahet dhe këtë e ka treguar edhe pas ndeshjes që skuadra e tij, Hajduk Split, humbi me shifrat 3-0 ndaj Rijekës, duke lëshuar vendin e parë në renditjen e kampionatit kroat.
Ish-mesfushori i njohur italian ishte dukshëm i nervozuar dhe këtë e tregoi ndërsa po fliste për “Max Sport”, ku iu kundërvu ish-futbollistit kroat, Joško Jeličić, i cili është opinionist.
Gattuso nuk i dha dorën atij dhe nisi ta kritikonte, duke i shfryrë në tre gjuhë: anglisht, spanjisht dhe italisht.
“Nuk të shtrëngoj dorën se ti flet shumë. Ti flet shumë dhe nuk i respekton njerëzit. Ke luajtur futboll dhe e di mirë situatën. Ti gjithmonë flet keq. nuk kam respekt për ty, ti flet keq”, tha Gatuzo.
“Ti ke luajtur shumë keq. Jo me dorë!” iu përgjigj Jeleçiç, meqë Gatuzo i ishte afruar pranë fytyrës me gishtin lart.
“Nuk dua të flas me ty”, vazhdoi Gatuzo.”Kjo është hera e fundit. Nëse ti je këtu, nuk flas më me televizionin se je njëri i keq. Çfarë ke fituar ti në jetë? Kur flet ti bën sikur ke fituar gjithçka në botë. Ti nuk ke respekt për personat. Nuk dua të flas me ty”, ishin fjalët e Gatuzos së nervozuar.
Gattuso needs to exclusively manage abroad so we can continuously get moments like this
pic.twitter.com/0961QaPu5z— Francesco (@FRANCESCalciO_) March 16, 2025
