Analisti Arion Sulo analizoi listat e kandidatëve për deputet të Partisë Socialiste dhe Partisë Demokratike për zgjedhjet e 11 majit. Sulo e cilësoi listën e PS-së si një listë me të rinj, por pa një logjikë të qartë politike.
Në emisionin Open, Sulo theksoi se kryeministri Edi Rama ka bërë një pastrim të qëllimshëm të Partisë Socialiste, duke futur emra të rinj në listë për t’u dukur më i freskët dhe i pakorruptuar, pavarësisht faktit se ai ka qenë në pushtet për 12 vjet.
Sulo shtoi se ky proces është një formë e propagandës. Sipas tij, sa më shumë të rinj dhe emra të panjohur të futen në listën e PS-së, aq më shumë Rama mund të duket si një lider i ri dhe i korruptuar. Ai përmendi gjithashtu një podcast që Rama ka realizuar me të rinjtë, duke kaluar 9 orë duke diskutuar me ta, që sipas Sulos, është një tjetër hap për të shfrytëzuar strategjinë propagandistike.
Sulo: Edi Rama e ka spastruar qëllimisht PS-në. Lista e PS është me të rinj, por pa logjikë politike. Lista e PD është shpërblyese, por ka një logjikë, ka politikanë. Rama do të duket i ri dhe i pakorruptuar pas 12 vitesh. Pra, Rama do sa më shumë të rinj e njerëz të panjohur. Është propagandë dhe efikase. Edi Rama dje ka bërë 9 orë Podcast me këta të rinj.
