Një aeroplan pasagjerësh me 178 persona në bord ka marrë flakë pas një defekti në motor dhe është detyruar të devijohet për në Denver. Fluturimi 1006 i American Airlines, në një Boeing 737-800, po udhëtonte nga Kolorado Springs për në Dallas Fort Worth kur ekuipazhi raportoi një problem të motorit. Aeroplani më pas i u devijua në Denver, Kolorado dhe u ul i sigurt, shkruan Sky News.
An American Airlines plane caught fire at Denver International Airport on Thursday, prompting emergency evacuation procedures.
The plane, a Boeing 737-800, had landed safely after being diverted from its original route due to an engine problem. As it taxied to the gate, the… pic.twitter.com/SgbL6BItrA
— The Viral Videos (@The_viralvideo_) March 14, 2025
Imazhet e publikuara në rrjete sociale tregojnë flakë dhe tym në një prej motorëve. Bëhet e ditur se FAA do të hetojë zjarrin. American Airlines tha se të gjithë 172 pasagjerët dhe gjashtë anëtarët e ekuipazhit në bord kishin mundur të dilnin nga aeroplani. Ndërsa Aeroporti Ndërkombëtar i Denverit konfirmoi se 12 persona u dërguan në spital për lëndime të lehta.
“Falënderojmë anëtarët tanë të ekuipazhit, ekipin e aeroportit dhe reaguesit e parë për veprimin e tyre të shpejtë dhe vendimtar me sigurinë e të gjithëve në bord dhe në tokë si prioritet”, tha American Airlines.
Gjithashtu së fundmi ka pasur një sërë incidentesh, që kanë ngritur pikëpyetje në lidhje me sigurinë e aviacionit në SHBA. Ato përfshijnë përplasjen në ajër të një aeroplani rajonal të American Airlines dhe një helikopteri të ushtrisë më 29 janar që vrau 67 njerëz pranë aeroportit Ronald Reagan në Uashington.
Muajin e kaluar, një aeroplan rajonal i Delta Air Lines u kthye përmbys pas uljes në aeroportin e Kanadasë në Toronto Pearson, gjatë motit me erë. Nga 80 personat në bord, 18 u lënduan.
