Në pranverën e vitit 2022, në ishullin e Sazanit u gjetën disa pajisje misterioze, të cilat morën vëmendje mediatike dhe u denoncuan fillimisht nga Ervin Karamuço, por më pas nuk nisi asnjë hetim për këtë ngjarje.
Ish-komandanti i Forcave Detare, Artur Meçollari, përmes një postimi në rrjetet sociale, bën me dije se ato nuk kanë qenë të lidhura me internet për dhënie informacioni të huajve, por janë “RIVUNË”, pajisje sinjalistike zanore.
Teksa ka publikuar edhe pmajet në rrjetet sociale, Meçollari sqaron se tre të tilla ishin vendosur në majën veriore të ishullit, aty ku gjendet edhe RADARI dhe ishin drejtuar drejt perëndimit.
Ai ngre dyshime se me to njoftoheshin skafistët nga Sazani, duke sqaruar se nëse një mjet lundrues gjendet në perëndim të Sazanit, fare pranë bregdetit dhe nuk mund ti funksionojë celulari, ato shërbejnë për të njoftuar dike, por jo anijet e Forcës Detare.
Më tej, Artur Meçollari ngre pyetjen se pse për 3 vjet që nga publimimi i kësaj ngjarje, Policia Ushtarake nuk ka nisur asnjë hetim.
Postimi i plotë:
Përse Policia Ushtarake nuk e hetoi këtë ngjarje???
Një ngjarje që krijon dyshime se si njoftoheshin skafistët nga Sazani.
Në korrik të vitit 2022 në Sazan u gjetën disa pajisje dhe u fol se ishin të lidhura me internet për dhënje informacioni të huajve???
Jo ishin RIVUNË, ose pajisje sinjaliztike zanore.
Në atë kohë rasti u bë publik nga Z. Ervin Karamuço.
Nuk janë në inventor të Forcës Detare, ndërsa Sazani është në inventor të Forcës Detare. U gjendën tre RIVUNË në majën veriore të ishullit të ku gjendet edhe RADARI.
Të tre RIVUN-ët ishin të drejtuar nga PERËNDIMI. Nëse një mjet lundrues gjendet në perëndim të Sazanit, fare pranë bregdetit, nuk mund ti funksionojë celulari. Ato shërbejnë për të njoftuar dike, por jo anijet e Forcës Detare.
Sejcila nga pajisjet ka panelin diellor, pajitjen e kontrollit, Rivunin (hinka metalike) dhe kontaktin, i cili duhet të aktivizohet nga një persona. Frekuenca e RIVUN-it dëgjohet qarte është në një brez frekuence i cili nuk eleminohet nga zhurma e erës apo detit. Rasti, për shkak se ishulli i Sazanit është në inventarin e Forcës Detare, i takon ta hetojë Policia Ushtarake. Pëerse Policia Ushtarake nuk nisi asnjëherë hetimin në gati tre vjet të ngjarjes?
