Gjashtë persona u morën nën akuzë në Korçë dhe Pogradec, njëri prej të cilëve në arrati, pasi akuzohen për përndjekje, zjarrvënie nga pakujdesia, kalim i paligjshëm i kufirit, ndërtim pa leje dhe përleshje.
Specialistët për Hetimin e Krimeve referuan materialet në Prokurori dhe shpallën në kërkim të riun me inicialet A. D., 25 vjeç, banues në Korçë, pasi dyshohet se ka përndjekur një vajzë të mitur, e cila e ka denoncuar.
Po nga këta specialistë nisën hetimet për zjarrvënie nga pakujdesia për 2 persona. Të dyshuarit janë V. B., 57 vjeç, banues në Floq, pasi si pasojë e zjarrit që dyshohet se e ka ndezur nga pakujdesia, është djegur një sipërfaqe toke me bimësi. Dhe Y. T., 58 vjeç, banues në Senisht, Maliq, pasi si pasojë e zjarrit që dyshohet se ka ndezur nga pakujdesia, është djegur një sipërfaqe toke me bimësi.
Agjentët e Sektorit Kundër Krimeve në Maliq referuan materialet në Prokurori, ku filloi procedimi penal për dy të rinjtë B. R., 39 vjeç, dhe R. J., 21 vjeç, banues në Symiz, pasi janë konfliktuar me njëri-tjetrin, për motive të dobëta.
Ndërkohë në Pogradec u procedua P. Sh., 61 vjeç, pasi u kap duke kryer punime ndërtimi, pa leje.
I fundit u mor nën akuzë E. Xh., 41 vjeç, banues në Podgorie, për veprën penale “kalimi i paligjshëm i kufirit shtetëror”.
