Sulmuesi anësori i Paris Saint-Germain, Khvicha Kvaratskhelia, nuk është i trembur nga përballja me Liverpoolin në “Anfield Road”, pavarësisht avantazhit 1-0 të “Reds” në ndeshjen e parë në Ligën e Kampionëve.
Kvaratskhelia beson se të luash në stadiumin ikonik është mjaft motivim.
“Kur luan në ‘Anfield’ kundër Liverpoolit, nuk ke nevojë të motivosh veten aq shumë”, deklaroi fillimisht ai. Gjeorgjiani ka besim se PSG mund të përmbysë disavantazhin e një goli dhe të sigurojë një vend në çerekfinale.
“Nuk ka rëndësi nëse luajmë në ‘Anfield’ apo në Paris. Qëllimi ynë është të fitojmë nesër. Ne do të japim gjithçka për këtë”, nënvizoi ai.
