Një ngjarje e rëndë ka ndodhur në Belgjikë, ku si pasojë katër persona janë plagosur. Mësohet se një urë është shembur pjesërisht në Belgjikën perëndimore. Po ashtu njëri nga të plagosurit ndodhet në gjendje të rëndë.
Aksidenti ka ndodhur në një urë në autostradën E42, e cila kalon një kanal, pranë komunës La Louvière, pranë Mons. Ura do të prishej dhe u mbyll për qarkullim.
Shumë vinça ishin në urë dhe ranë kur ajo u shemb. Njëri prej tyre përfundoi në një maune poshtë. Gjithashtu mediat belge bëjnë me dije se dymbëdhjetë persona po punonin në kantierin e ndërtimit në momentin e aksidentit.
