Kevin De Bruyne do të duhet që të rishikojë planet e tij për të ardhmen, pasi Pep Guardiola tha se ai nuk kishte qëndrueshmëri mjaftueshëm për të mbajtur ritmin e futbollit modern. Mesfushori belg ka qenë pjesë e Manchester City-t që nga viti 2015 dhe ka dhënë një kontribut të madh në sukseset e klubit në Angli dhe Europë.
Kontrata e tij përfundon në qershor, ndësa ai ende nuk ka vendosur për të adhmen. Lojtari ka pasur probleme fizike në 18 muajt e fundit, të cilat kanë ndikuar edhe në performacën e tij. Nga mesi i shtatorit, mesfushori 33-vjeçar ishte i padisponueshëm për ekipin për shkak të një lëndimi.
Ndërsa në sezonin e shkuar, si pasojë e një problemi në kofshë luajti në vetëm 26 takime. Sipas britanikes “The Mirror”, Pep po mendon të bëjë ndryshime të mëdha në verë, nëse vazhdon të qëndrojë dhe De Bryune duke qenë një nga lojtarët pjesë e gardës së vjetër, është ndër emrat që janë në pistën e largimeve.
De Bruyne ka shpresuar për një zgjatje të kontratës me dy vite me City, nga ku ai do të largohej nga ekipi në moshën 35-vjeçare, nga ku në vazhdim po mendon që të tërhqiet përfundimisht. Në të tillë situatë, përfaqësuesit e futbollistit duket se do të shikojnë opsione të tjera sa i përket të ardhmes së lojtarit belg.
