Kolegji “Turgut Ozal” ka reaguar pas alarmit për bombë dhe njofton se situata është nën kontroll. Në reagimin e saj në Facebook, shkolla njofton se lajmi rezultoi i rremë.
Shërbimet e Policisë bënë evakuimin e nxënësve dhe stafit pas një emaili që alarmoi shkollën paraditen e sotme.
“Shkolla “Turgut Ozal” njofton të gjithë prindërit, nxënësit dhe dashamirët se situata është nën kontroll, e qetë dhe në bashkëpunim të plotë me policinë e shtetit.
Janë marrë të gjitha masat e sigurisë sipas protokollit në raste emergjence, pavarësisht se lajmi rezultoi i rremë.”– thuhet ndër të tjera në reagimin e shkollës për mediat.
“Ju informojmë se në shkollë është dërguar një email dhe duhet që nxënësit të largohen për në shtëpi. Po bashkëpunojmë me policinë. Nuk ka panik dhe të gjithë fëmijët janë shumë mirë! Transporti i fëmijëve do të jetë me furgon ose nga ana e prindërve nëse ka mundësi. Do mbetemi në kontakt. Mësuesja kujdestare”, ky është mesazhi që iu është dërguar prindërve të fëmijëve që mësojnë në këtë shkollë paraditen e sotme.
