Policia ka shoqëruar të fortin e Shkodrës Safet Bajri pas urdhrit të dhënë nga GJKKO. Mësohet se Bajri është marrë në shtëpinë e tij në Dobraç dhe nuk ka bërë rezistencë.
Sipas avokatëve të Safet Bajrit, ky i fundit ishte thirrur në orën 11 për të dhënë deklarime, por pas mbërritjes në polici, i është komunikuar se marrja në pyetje e tij do bëhet në Tiranë.
Safet Bajri po transferohet në këto momente drejt Tiranës.
Burime bëjnë me dije se, me urdhër të GJKKO-së, Safet Bajrit do t’i merret ADN-ja, pasi autoritetet kërkojnë që ta krahasojnë me një profil ADN-je që është zbuluar në një nga ngjarjet e rënda në Shkodër.
Kujtojmë se forcat RENEA i zbarkuan në banesën e tij në orët e para të mëngjesit të 18 Shkurtit, por ai nuk u gjend aty.
LEXO EDHE:
Safet Bajri flet për përplasjen në Rranxë dhe masakrën e Dobraçit: Makinat e blinduara janë të miat
