Fernando ka postuar një foto nga stërvitja me Leo Melon dhe Jackson Kenio. Ky i fundit nuk është zyrtarizuar nga kampionët, por Fernando jep indicie për transferim të mundshëm.
Bashkë me Leo Melon dhe Fernandon janë treshja braziliane, që Egnatia do të kishte për titullin kampion.
Kujtojmë se Jackson u transferua nga Egnatia te Istanbulspor në verën e vitit 2023, ndërsa aktualisht është lojtar i lirë. 25-vjeçari, që më parë ka qenë edhe kapiten i Egnatias, mbetet po ashtu në lupën e disa ekipeve jashtë Shqipërisë.
Kështu nuk përjashtohet mundësia, që të jetë i pranishëm vetëm për stërvitjen.
Kujtojmë që Jackson Kenio ndodhej në tribunën e stadiumit të Rrogozhinës në sfidën që Egnatia fitoi 2-0 përballë Partizanit javën e kaluar.
