Presidenti francez Emmanuel Macron zhvilloi një bisedë 20-minutëshe me homologun e tij Donald Trump përpara se të nisë takimi informal për Ukrainën i planifikuar në Pallatin Elysée. Këtë e bëri të ditur presidenca franceze përmes një komunikate.
Takimi urgjent u thirr pasi administrata Trump ka përshpejtuar bisedimet e paqes midis Rusisë dhe Ukrainës, pa përfshirë Kievin ose Bashkimin Evropian.
Krahas Emmanuel Macron, janë krerët e qeverive të Gjermanisë, Mbretërisë së Bashkuar, Italisë, Polonisë, Spanjës, Holandës dhe Danimarkës si përfaqësues të formatit NB8, Nordic Baltic 8, të cilin aktualisht kryeson mbretëria si dhe Presidenti i Këshillit Evropian, Presidenti i Komisionit Evropian dhe Sekretari i Përgjithshëm i NATO-s.
