Një 19-vjeçar ka mbetur viktimë pas të shtënave me armë në Anderlecht, një periferi e Brukselit jashtë stacionit të metrosë Clémenceau.
Policia ishte në kërkim të të dyshuarve që u arratisën me një veturë.
Një episod i ngjashëm u raportua javën e kaluar, i cili ishte rezultat i përplasjes së bandave të drogës.
Sipas shtypit vendas, edhe në këtë rast dyshohet se mund të jetë një luftë mes bandave për kontrollin e zonave të tregtimit të drogës.
Brukseli është rrënuar nga të shtënat të lidhura me bandat e drogës në vitet e fundit, dhe zyrtarët kanë thënë se më shumë se 100 nga rrjetet kriminale më të rrezikshme të Evropës veprojnë në Belgjikë.
“Hetimet tona fillestare na bëjnë të besojmë se incidenti ka ndodhur në kontekstin e një zgjidhjeje hesapesh brenda mjedisit të trafikut të drogës”, shtoi zyra e prokurorisë në një deklaratë.
