Trajneri i Tiranës, Bledi Shkëmbi, mendon se ekipi i tij ka shansin të tregojë se sa vlen në ndeshjen kundër Skënderbeut, i cili është një rival direkt për mbijetesën.
Tekniku i bardhebluve ka theksuar sot para mediave se pavarësisht mungesave, ky duhej të ishte një shans i mirë për të rinjtë që të tregonin sa vlenin.
“Luajmë kundër një skuadre që është forcuar shumë tani në janar. Kemi mungesa por nuk duhet të kërkojmë dhe nuk duhet të kemi justifikim, duhet të japim dhe bëjmë maksimumin për të fituar ndeshjen. Tashmë nuk është më e fshehte, por janë gati 7-8 lojtarë të thirrur nga akademia. E thashë që si skuadër nuk duhet të kemi justifikim. Është edhe një shans për lojtarët e rinj, ata që kanë pasur me pak minuta, që të hyjnë në fushë dhe japin maksimumin. Të gjithë e kemi pasur një herë të parë, ashtu kemi filluar karrierën. Shpresoj që këtë ndeshje ndonjë lojtar nga të rinjtë ta shfrytëzojë për këtë arsye.
Në këtë situatë që është Tirana, mendoj që lojtarët duhet të motivohen vete dhe të them të vërtetën e shoh që të gjithë e vuajnë atë pjesë, në kuptimin e mirë, nuk shoh që ka presion. Në stërvitje të gjithë lojtarët po stërviten mirë. Kam besim që do e kalojnë këtë situatë dhe me atë çka po japin në fushë, të paktën në këto tre ndeshje mendoj se kanë bërën mirë, mendoj se kemi merituar më shumë. Por patjetër që nga nesër duhet të japim më shumë dhe të marrim pikë.
Presion kemi çdo javë, presioni që mund të ketë çdo skuadër për objektivat që ka. Kemi ndryshuar objektiv rrugës. Në këto momente kemi një objektiv shumë të vështirë dhe më madhor ndoshta. Por e thashë që nëse do të fillojmë të marrim pikët, patjetër do të jemi më të qetë e do të bëjmë akoma më mirë”, tha Shkëmbi para mediave.
