Real Madrid nuk ka shkuar më shumë se barazimi 1-1 në “Pamplona” ndaj Osasuna-s, në ndeshjen e vlefshme për javën e 24-të në La Liga.
Një ndeshje me shumë polemika dhe kundërshti të mëdha nga “Los Blancos” për mënyrën si arbitrioi Jose Munuera Montero, që me siguri nga sot do jetë “armik” për Real-in. Madrilenët e filluan shumë mirë takimin, duke gjetur golin në minutën e 15-të me Kylian Mbappe, pas asistit të Valverde.
Ndërkohë një episod i çuditshëm ka ndodhur në minutën e 39-të, ku Jude Bellingham u ndëshkua me karton të kuq për ankesa ndaj arbitrit kryesor dhe ky i fundit nuk e fali duke e nxjerrë direkt nga fusha. Anglezi kishte bërë më parë një ndërhyrje jo të rregullt dhe i tha diçka arbitrit, dhe mesa duket ky i fundit nuk e fali por i tregoi direkt të kuqin.
Pak minuta më parë, u ndëshkua për protesta edhe Carlo Ancelotti me karton të verdhë. Po ashtu në minutën e tretë të takimit, Real-i pretendoi për një penallti për prekje topi me dorë brenda zonës, por arbitri Jose Munuera Montero mendoi ndryshe.
Vendasit barazuan shifrat me Budimir 1-1 në minutën e 58-të, nga pika e bardhë e penalltisë, e cila po ashtu pati kontestime të mëdha nga ekipi i Real-it.
Shifrat nuk ndryshuan deri në fund, Real-i del vetëm me një pikë nga përballja me Osasuna-n, duke i bërë një nder të madh Atletico-s dhe Barcelonës.
Renditja:
