Lëvizje surprizë në merkato, mbrojtësi i Kombëtares shqiptare, Jon Mersinaj, është larguar nga Lokomotiva e Zagrebit, teksa është prezantuar te skuadra e Osijekut, po në elitën e futbollit kroat.
Për kartonin e ish-futbollistit të Laçit, skuadra e Osijekut, pagoi vetëm 200 mijë euro, duke bërë kështu një përforcim të rëndësishëm për prapavijën. Skuadra e re e Mersinajt, renditet në vendin e katërt në renditje me 30 pikë në 21 javë, 5 më pak se Dinamo Zagrebi i vendit të pestë.
Me bardheblutë mbrojtësi shqiptar ka nënshkruar deri në vitin 2027, ndërsa mori fanellën me numrin 15.
“Sigurisht që jam i kënaqur me këtë firmë. Kam kaluar shumë mirë te Lokomotiva, por ka ardhur koha për disa sfida të reja. Osijeku ka kushte të shkëlqyera dhe shpresoj të jap kontributin tim në arritjen e synimeve të klubit. Besoj se do të përshtatem shpejt. Pres me padurim momentin kur do të debutoj për klubin tim të ri dhe do të prezantoj veten para tifozëve”, deklaroi Mersinaj.
