Kombëtarja shqiptare U-16 luajti sot ndeshjen e parë miqësore ndaj Hungarisë. Ekipi kuqezi i drejtuar nga Andrea Tedesco u mund me rezultatin 0-2.
Pjesa e parë u mbyll me rrjeta të paprekura. Fraksioni i dytë nisi më mirë për Hungarinë, e cila kaloi në avantazh me golin e Varga Zsolt. Më pas, miqtë dyfishuan rezultatin falë një penalltie, që u ekzekutua saktë nga Polonkai Noel.
Ndeshja u mbyll me rezultatin 0-2, për miqtë në një takim ku u shfaqën më të qartë dhe më kërkues në pjesën më të madhe të ndeshjes.
Ndeshja e dytë miqësore mes Shqipërisë U-16 dhe Hungarisë U-16 do të luhet të enjten, po në “Shtëpinë e Futbollit”, në orën 14:30.
