Mërgim Berisha ndau rrugët me Hofenheim pas një viti e gjysmë qëndrim dhe është rikthyer te Augsburgu si huazim me të drejtë blerje në fund të sezonit për tetë milionë euro.
“FC Augsburg ka nënshkruar me Mergim Berishën si huazim nga TSG Hoffenheim për pjesën e mbetur të sezonit 2024/25. Klubet kanë rënë dakord të mbajnë të pazbuluar detajet e huazimit”- shkruan Augsburg.
Për afrimin e sulmuesit kosovar në garë ishte edhe skuadra angleze e Leeds, por në fund Berisha vendosi të rikthehet te skuadra e Bundesligës.
Interesim kishte shprehur edhe skuadra italiane Monza si dhe dy klubet tjera gjermane si Verder Bremen dhe Union Berlin.
26-vjeçari i kreu vizitat mjekësore dhe pak më parë u prezantua nga Augsburgu.
View this post on Instagram
