Ndërsa kortezhi me trupin e pajetë të kryepeshkopit Anastas Janullatos pritet të hyjë këtë të martë në Shqipëri, dhjetëra qytetarë nga Dropulli, Finiqi, Gjirokastra dhe Saranda janë mbledhur në Kakavijë.
Trupi pritet të mbërrijë në Tiranë në orën 16:00 në katedralen “Ngjallja e Krishtit” ku do të zhvillohen më pas homazhe gjatë pasdites dhe të mërkurën. Ceremonia e varrimit do të bëhet të enjten në orën 11.00, pas Liturgjisë Hyjnore në katedralen “Ngjalla e Krishtit”.
Në ceremoninë e varrimit të Kryepeshkopit të Shqipërisë pritet të marrin pjesë personalitete dhe patriarkë nga të gjitha Kishat Ortodokse në botë.
