Një apartament në katin e pestë të një pallati në lagjen nr.2 të qytetit të Kukësit u përfshi nga zjarri rreth orës 11:00 të kësaj të hëne.
Pavarësisht intensitetit, flakët e zjarrit për fat të mirë nuk u përhapen në banesat e tjera.
Dyshohet se zjarri mund të jetë shkaktuar nga një bombël e gazit e ndezur për gatim e cila nga shërbimet zjarrfikëse u gjet në ballkonin e apartamentit ku banonin tre persona, dy bashkëshortët dhe vajza. Për fat të mirë ata nuk kanë pësuar djegie apo dëme të tjera në trup.
Zjarrëfiksit kanë bërë të mundur shuarjen e zjarrit, i cili la pas dëme materiale.
