Humbja ndaj Laçit në shtëpi nuk është kaluar lehtë në ekipin e Elbasanit. Mësohet se drejtuesit kanë marrë menjëherë masa për këtë disfatë dhe kanë ndëshkuar me gjoba lojtarët bashkë me stafin.
Mesa duket, dalja jashtë gare për katërshen nuk është përtypur nga drejtuesit elbasanas, që për herë të parë këtë sezon kanë marrë një masë të tillë. Mësohet se arsyeja për këtë gjobë vjen si rezultat i mos impenjinit të duhur nga ana e lojtarëve në fushën e lojës.
Verdheblutë u mundën të dielën në fushën e tyre nga Laçi me shifrat 1 me 2 ehe vijojnë të qëndrojnë në vendin e pestë në kuotën e 28 pikëve. Ndeshjen e radhës do ta luajnë në transfertë ndaj Tiranës.
