Detaje të reja janë mësuar nga rënia e një zjarri në kompleksin “Kika” në zonën e Komunës së Parisit pasditen e djeshme.
U mësua se nga flakët, tre automjete u dogjën dhe 4 banorë u asfiksuan. Të lënduarit u dërguan në spital dhe mësohet se gjendja e tyre shëndetësore është e mirë.
Policia dhe zjarrfikësit ndërhyjnë shpejt për shuarjen e flakëve dhe për evakuimin e banorëve, duke i vendosur nën kontroll pas rreth një ore.
Pas stabilizimit të situatës banorët janë kthyer në banesat e tyre.
Nga veprimet paraprake ka rezultuar se zjarri te parkimi nëntokësor i kompleksit ‘Kika 1’ ka nisur nga kompresori i frigoriferit të një marketi.
