Cristian Shpendi është objektivi i Benficas në Portugali. ‘Shqiponjat’ kërkojnë një zëvendësues të Arthur Cabral, i cili u ble nga Fiorentina, por zhgënjeu me paraqitjet e bëra.
Pjesë e Cesenas, Shpendi është një nga golashënuesit më të mirë në Serie B të Italisë dhe kjo ka bërë që në gjurmët e tij të vihen disa klube.
“A Bola” raporton se Benfica e ka në listë sulmuesin shqiptar, për ta afruar në merkaton e dimrit. Te skuadra portugeze Shpendi do të gjente një tjetër shqiptar, Adrian Bajramin.
Cesena kërkon të paktën 15 milionë euro për Shpendin, ndërsa mbetet të shihet nëse portugezët do të paguajë këtë shifër.
Me paraqitjet e bëra në dy vitet e fundit, Cristian Shpendi ka tërhequr edhe vëmendjen e klubeve të mëdha përtej Adriatikut, nga Juventusi e Napoli, për të vijuar me Torinon dhe Fiorentinën.
