“Emilia Perez” kryesoi listën e nominimeve për çmimet Oscar të këtij viti. Muzikali spanjoll që tregon historinë ë një bosi amerikan droge që bëhet grua dhe fillon një jetë të re, u nominua për 13 kategori, ndjekur nga “The Brutalist” dhe “Wicked” me nga 10.
Të tre filmat do të konkurrojnë për trofeun në ceremoninë e Oscars në Hollywood më 2 mars.
“A Complete Unknown”, me protagonist Timothee Chalamet si një i ri Bob Dylan, komedia e errët romantike “Anora” dhe drama e përzgjedhjes papale “Conclave” gjithashtu janë në garën për filmin më të mirë.
Filmat e tjerë të nominuar ishin filmi fantastiko-shkencor “Dune: Part 2”, “I’m Still Here”, drama “Nickel Boys” dhe filmi horror “The Substance”.
Në garë për aktoren më të mirë do të jenë ndër të tjera Cinthya Erivo, Demi Moore dhe Karla Sofia Gascon.
Për aktorin më të mirë do të përballen Adrien Brody, Ralph Fines, Chalamet dhe Sebastian Stan.
Nominimet për çmimet më të larta të industrisë së filmit u shtynë dy herë pasi Los Angeles u përball me zjarret që shkatërruan pjesë të qytetit këtë muaj. Disa evente në tapetin e kuq janë shtyrë ose anuluar.
Megjithatë ceremonia e Oscars do të mbahet si një festë e filmit dhe kinemasë së Los Anxhelosit dhe do të drejtohet nga komediani Conan O’Brien.
