Kastriot Dermaku ka vendosur të tërhiqet nga futbolli i luajtur. Ish-mbrojtësi i Kombëtares do të mbyllë karrierën në moshën 33-vjeçare.
Të paktën kështu raportojnë mediat në Itali, ndërkohë që së fundmi ai ka pasur oferta edhe nga ekipe të Serisë C.
Gjithashtu, Dermaku është shfaqur edhe në tribunat e ndeshjeve të kampionatit shqiptar, madje edhe këtu ka pasur disa oferta.
Por, dëshira e qendërmbrojtësit ka qenë për t’u tërhequr. Dermaku ka luajtur me skuadra si: Empoli, Pavia, Parma, Kozenca dhe Leçe, aty ku e mbylli.
Ai ka pësuar një dëmtim të rëndë, çka e detyroi që të qëndronte mbi një vit jashtë fushave.
Me Kombëtaren, Dermaku ka luajtur 13 ndeshje e ka shënuar edhe një gol.
