Tashmë është zyrtare, mesfushori i talentuar Jordi Jaku, i cili ka spikatur në radhët e Tiranës, është zyrtarisht një futbollist i Bologna-s teksa ka nënshkruar deri në verën e vitit 2027.
Mesfushori 18-vjeçar i cili kishte luajtur 15 ndeshje me ekipin e parë të bardhebluve në Superiore në sezonin e kaluar dhe këtë aktual, tani është bërë pjesë e ekipit të të rinjve të klubit të Serisë A që e ka prezantuar atë zyrtarisht nëpërmjet një njoftimi në rrjetet sociale.
Tirana ka përfituar 250 mijë euro nga mesfushori, ndërkohë që klubi bardheblu ka mbajtur 15 përqind të kartonit në rast të një tjetër transferimi të talentit të mesfushës.
Ekipi i të rinjve të saj luante sot ndaj Genoas dhe futbollisti shqiptar është federuar në kohë për të qenë në gatishmëri me klubin e ri.
El #Bologna ha fichado al centrocampista albano Jordi Jaku (18 | #KF_Tirana) por 250.000 €. Firma hasta junio de 2027 y se integra en el segundo equipo. pic.twitter.com/VU49NNG1Sh
— Mercatosphera (@mercatosphera) January 22, 2025
