Gugash Magani ka paraqitur dorëheqjen si trajner i Tiranës, menjëherë pas humbjes turpëruese 4-0 ndaj Egnatias.
Sipas Panoramasport, trajneri u ka komunikuar drejtuesve pas ndeshjes se në një situatë të tillë, nuk mund të drejtonte skuadrën pasi e shihte të pamundur të jepte një impuls për skuadrën e cila është e përfshirë në luftën për mbijetesë.
Tani gjithçka mbetet në dorën e klubit, nëse do të pranojë apo jo. Gjasat janë që klubi ta pranojë dorëheqjen, pasi trajneri prej ditësh rrezikonte shkarkimin.
Pritet që në ditët e ardhshme Tirana të zgjedhë trajnerin e ri, ku synim është mbijetesa, pasi skuadra renditet në vendin e parafundit dhe është një nga kandidatët kryesorë për rënien nga kategoria.
