Një ngjarje e rëndë ka ndodhur në një shkollë të mesme në Sllovaki. Një nxënës ka vrarë një mësuese dhe shoqen e klasës me thikë dhe plagosi një tjetër në një shkollë të mesme në Sllovakinë veriore të enjten, thanë zyrtarët.
Disa ekipe të urgjencës u dërguan në shkollën ku dy persona rezultuan të vdekur dhe një i tretë u dërgua në spital me lëndime mesatare, tha për Reuters zëdhënësja e shërbimeve të urgjencës.
Shërbimet e urgjencës thanë se viktimat ishin 51 dhe 18 vjeçe, si dhe e plagosura po ashtu ishte një vajzë 18-vjeçare.
Tragjedia u regjistrua në Spisska Stara Ves, një qytet me rreth 2,000 banorë në kufirin polak, 376 km në veri-lindje të kryeqytetit Bratislava.
“Nxënësi18-vjeçar (mashkull) i dyshuar për kryerjen e një akti të rëndë në Spisska Stara Ves është ndaluar shumë pak pas ngjarjes”, thanë përmes një komunikate autoritetet policore sllovake.
Stacioni televiziv privat Markiza tha se autori ishte zhvendosur në shkollën ku kreu krimin nga një shkollë tjetër në qytetin e afërt të Kezmarok, pasi u përjashtua për kërcënime se do të sulmonte nxënësit e klasës.
Ministri i Brendshëm sllovak Matus Sutaj Estok dënoi krimin, duke u shprehur ngushëllimet e tij familjeve të viktimave dhe duke shtuar se ai ishte rrugës për në vendin e krimit.
Duke e quajtur sulmin “një tragjedi të vërtetë”, presidenti sllovak Peter Pellegrini tha: “Asnjë problem në botë nuk mund të zgjidhet me një thikë apo një armë tjetër”.
