Një Atalantë e dobët u paraqit në fushën e Udineses. Sikur të mos mjaftonte barazimi pa gola, për trajnerin Gian Piero Gasperini lajmet e këqija erdhën edhe nga Berat Gjimshiti, i cili u detyrua të largohej në mesin e pjesës së parë pas një përplasjeje gjatë lojës me Ehizibue.
Menjëherë pas zëvendësimit erdhi diagnoza: traumë në kokë, siç njoftoi vetë klubi bergamask. Pas ndeshjes, në konferencën për shtypin, vetë Gasperini dha përditësime të tjera për mbrojtësin shqiptar në prag të ndeshjes së së martës kundër Juventusit:
“Ka një çarje të thellë në vetull, i bëmë 10 qepje. Ishte një përplasje e rastësishme, ka pak dhimbje koke. Nuk e di as si arriti ta hapte aq shumë plagën. Nuk është asgjë shumë serioze, por të martën do të jetë e vështirë ta kemi të gatshëm.”
