Një tjetër përplasje mes Antonio Cassano-s dhe Rafael Leão-s erdhi menjëherë pas fitores së Superkupës Italiane, ku portugezi ishte protagonist kryesor, duke ndryshuar rrjedhën e ndeshjes pas hyrjes në fushë në rezultatin 0-2. Ish-futbollisti, në një emision në rrjetet sociale, deklaroi:
“Leão tregon sërish që është dikush që nuk ka guxim, sepse shkon në kombëtare dhe flet nga larg, tani po flet për Conceiçao-n. Po e them tani, pas një paraqitjeje të mirë, por me kalimin e kohës edhe Conceiçao do ta kuptojë që Leão është një lojtar pa substancë, një lojtar për ndeshje 0-0, si Martial. As mish, as peshk. Nuk di të luajë me ekipin, nuk di të japë pasimin e fundit, nuk e sheh portën, është shumë pak.”
Reagimi i sulmuesit të Milanit nuk vonoi. Ai postoi në Tëitter një mesazh të shkurtër me dy ‘emoji’, duke e quajtur Antonio Cassano një “klloun”.
Kjo nuk është hera e parë që të dy shkëmbejnë tone të ashpra në distancë përmes rrjeteve sociale, dhe ky është vetëm kapitulli i fundit i kësaj përplasjeje.
