Real Madrid ka pasur një sezon me ulje ngritje të shumta deri tani dhe ajo që bie më shumë në sy është mungesa e vazhdueshme e formës së mirë e disa prej yjeve që pritej të ishin vendimtar.
Këtë gjë e ka vënë re edhe Florentino Perez, të cilit duket se i ka sosur durimi me të paktën 3 nga yjet e tij dhe është gati të marrë masa ndaj tyre.
“Fichajes” raporton se Perez është duke analizuar situatën e Rodrygo, Ferland Mendy dhe Aurelien Tchouameni, si tre nga yjet që janë larg pritshmërive dhe ndaj nuk do ishte për t’u habitur në rast se ata do largoheshin në verë.
Rodrygo ka luajtur 21 ndeshje këtë sezon ku ka shënuar 5 gola dhe ka dhënë 4 asiste. Ardhja e Mbappe duket se e ka lënë në hije brazilianin.
Mendy është në vitin e fundit të kontratës dhe largimi i tij është thuajse i sigurt në fund të sezonit. Në vend të tij, Perez synon transferimin e Alphonso Davies.
Aurelien Tchouameni po ashtu mund të largohet nga Madridi në verë, ku Liverpool e vëzhgon prej kohësh dhe do ishte i gatshëm të paguante 35-40 milionë euro për kartonin e tij.
